26/9/2013

LA VOZ DE GALICIA | 26/09/2013

O municipio de Brión está xa en tempo de desconto para a celebración da romaría de Santa Minia, que cada ano reúne a miles de persoas. Como preludio a esta cita relixiosa, o Concello promove distintas actividades culturais e de lecer. Así, hoxe ao mediodía a Charanga Mekánica ofrecerá uns pasacalles que dará paso a unha sesión vermú. Pero se no programa destaca algo especial, son os fogos artificiais desta medianoite coa tradicional queima da fachada incluída.
EL CORREO GALLEGO | 26/09/2013

Para velar pola seguridade e comodidade dos visitantes, o Concello de Brión preparou un dispositivo especial, que está composto por vinte efectivos, entre Protección Civil e Policía Local. Tamén se habilitaron seis zonas de aparcamento gratuito con capacidade para 3.000 vehículos.

Protección Civil aconsella aos visitantes que se deixen guiar por los efectivos mencionados, que lles indicarán a mellor opción de aparcamento.

Os autobuses farán transbordo no centro social polivalente, xa que a avenida de Santa Minia estará cortada na noite do xoves e todo o día do venres, debido a presenza de máis de 150 postos de venda que haberá na zona. Os veciños xa retiraron os seus pases especiais, para poder acceder cos seus vehículos ata os seus garaxes.